ພະແນກຫໍສະໝຸດ (ຄນລ,ມຊ) ໄດ້ຕອນຮັບ ສູນຂໍ້ມູນຂ່າວສານການເມືອງ ແລະ ການປົກຄອງແຫ່ງຊາດ(ສມປຊ)
- ລາຍລະອຽດ
- ໝວດ: ຂ່າວສານ
- ເຜີຍແຜ່ເມື່ອ ວັນພະຫັດ, 30 ມີຖຸນາ 2022 03:22
- ຂຽນໂດຍ Super User
- ກົດເບິ່ງ: 8032
ໃນຕອນເຊົ້າຂອງວັນທີ 29 ມີຖຸນາ 2022 ຫໍສະໝຸດ ສູນຂໍ້ມູນຂ່າວສານການເມືອງ ແລະ ການປົກຄອງ (ສມປຊ) ໄດ້ມາຢ້ຽມຢາມ ແລະ ທັດສະນະສຶກສາ ແລກປ່ຽນບົດຮຽນວຽກງານຫໍສະໝຸດ ທີ່ຫໍສະໝຸດ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ, ນໍາພາໂດຍຄະນະສູນຂໍ້ມູນຂ່າວສານພ້ອມດ້ວຍພະນັກງານ,ຄູອາຈານຈໍານວນ 9 ທ່ານ ໂດຍການຕອນຮັບຂອງທ່ານ ປທ. ນ. ສີເມືອງ ສີວົງດາວ ຮອງຫົວໜ້າພະແນກຫໍສະໝຸດ ຄະນະນິຕິສາດ ແລະ ລັດຖະສາດ (ຄນລ,ມຊ)ພ້ອມດ້ວຍພະນັກງານພາຍໃນຫໍສະໝຸດເຂົ້າຕອນຮັບຄັ້ງນີ້ ແລະ ທັງສອງພາກສ່ວນໄດ້ມີການນຳສະເໜີກ່ຽວກັບປະຫວັດຄວາມເປັນມາ,ການເຄື່ອນໄຫວວຽກງານຫໍສະໝຸດຂອງຕົນໃຫ້ກັນຊາບ.
ຈຸດປະສົງການມາຢ້ຽມຢາມ, ທັດສະນະສຶກສາ ແລະ ແລກປ່ຽນບົດຮຽນໃນຄັ້ງນີ້:ເພື່ອຖອດຖອນບົດຮຽນບາງວຽກງານດັ່ງນີ້: ການຄຸ້ມຄອງ ແລະ ນໍາໃຊ້ໂປຣແກຣມ Dspace, ການເກັບຮັກສາຟາຍບົດປ້ອງກັນຈົບຊັ້ນ ແລະ ການໃຫ້ບໍລິການ, ການຄຸ້ມຄອງ ແລະ ພັດທະນາເວັບໄຊຂອງຫໍສະໝຸດຄະນະນິຕິສາດ ແລະ ລັດຖະສາດ, ວິທີການສົ່ງເສີມການອ່ານຂອງຫໍສະໝຸດຄະນະນິຕິສາດ ແລະ ລັດຖະສາດ.
